Reklama
Telegrafikisht

Laçi i Cungut i jep leksion futbolli edhe Vllaznisë

Laçi-Vllaznia 3-0 (Naubueze 36′, 52′, Lushkja 60′)

Vazhdon transformimi i Laçit nën drejtimin e Armando Cungut. Skuadra kurbinase, në pak ditë ka arritur dy fitore shumë të rëndësishme me rezultat identik 3-0 duke mposhtur në mesjavë fillimsht Teutën e sot Vllazninë. Ashtu si në ndeshjen e parë ka qenë një leksion i mirëfilltë futbolli për kundërshtarin, që thuajse nuk ishte në fushën e loëjs dhe në momentin që nuk arriti të kontrollonte Kirian Nuabueze u ndëshkua rëndë.

eeeeeeeeeeeeeeeeeeeeeeeeeeeeeeeeeeeeeeeeeeeeeee-750x430Sulmuesi ishte në hije për pak më shumë se 30 minuta lojë, por tregoi potencialin e tij me golin e avantazhit duke shënuar mes tre mbrojtësish kundërshtarë. Një aksion i ngjashëm ishte edhe ai i pjesës së dytë të ndeshjes, kur sulmuesi dyfishoi shifrat duke treguar gjithnjë e më shumë se do të jetë protagonist i padiskutueshëm i kampionatit shqiptar. Edhe goli i tretë i shënuar nga Lushkja erdhi nga këmbët e tij, pasi ai nisi aksionin që përfundoi me topin në rrjetë.

Tre pikët e bashkojnë Laçin me grupin e skuadrave të ngjeshura që pretendojnë kreun e Europën, ndërsa te Vllaznia fillojnë të bien këmbanat e alarmit pasi shkodranët kanë filluar të pësojnë gola shumë lehtë.

Laçi-Vllaznia 3-0
39′, 52 Nuabueze, 60′ Lushkja

Laçi: Stazhilla, Fangaj, Ignjatovic, Domgjoni, Turkaj, Shehu, Deliu, Lushkja (87′ Ymeri), Teko, Xhixha (80′ Malçi), Nuabueze (69′ Berisha).
Trajner: Armando Cungu

Vllaznia: Sherri, Gurishta, Ristevski, Malota, Shehi (54′ Uenderson), Marku, Krymi, Ramadani (80′ Emerson), Bardulla (51′ Godfrei), Shtubina, Lika.
Trajner: Mirsad Jonuz

KV: Shehu, Xhixha / Ramadani, Shtubina, Gurishta

Gjyqtarë: Philip Farrugia, Paul Apap, Ivan Galea, Darryl Aglis

MINUTË PAS MINUTE

90+3’ Mbyllet ndeshja me suksesin 3-0 të Laçit.  

90’+2’ Berisha gjen Ymerin të vetëm në zonë, Sherri shpëton portën nga nëj gol I sigurt duke bllokuar gjuajtjen.

90’ Jepen 3 minuta shtesë.

90’ Berisha në krahun e majtë provon përsëri me një gjuajtje të fortë, por sfera kalon jashtë katërkëndorit.

87’ Largohet nga fusha e lojës Lushkja dhe aktivizohet Ymeri.

86’ Shkodranët janë të dorëzuar dhe nuk po arrijnë më as të shtyjnë lojën në gjysmëfushën kundërshtare.

80’ Zëvendësim në radhët e të dy ekipeve me Xhixhën e Ramadanin që lënë fushën e lojës dhe Malçin e Emerson që u futën në lojë.

79’ Xhixha gjen përsëri hapësirë në krahun e majtë dhe këtë herë provon vetë të shënojë me një gjuajtje të forte, por dërgon sferën mbi traversë.

78’ Laçi i afrohet golit të katërt. Xhixha i jep një pasim yë artë Berishës i cili është pak hapa larg portës por dërgon topin jashtë në mënyrë të pabesueshme.

75’ Marku mundohet të rihapë ndeshjen me një gjuajtje nga jashtë zones. Asnjë rrezik për Stazhillën i cili shoqëron me sy sferën që del jashtë.

73’ Tjetër moment tensioni për një përplasje mes Ristevskit e Berishës, gjithçka zgjidhet me një këshillim nga gjyqtari maltez.

69’ Cungu bën ndryshimin e parë, duke larguar Nuabueze për të aktivizuar Berishën.

68’ Reagimi i Vllaznisë është vetëm një e majtë e Likës nga jashtë zonës, që nuk gjen katërkëndorin e vendasve pas zhvillimit të një goditje nga këndi.

60′ GOOOL Laçi, shënon Lushkja. Pasimi i Nuabueze gjen të lirë Teko para Sherrit. Portieri ndal gjuajtjen e tij por Lushkja ndjek aksionin duke kontrolluar topin dhe pasi shmang Ristevskin dhe Sherrin, shtyn sferën në rrjetë.

54 Jonuz bën lëvizjen e radhës me largimin e Shehit dhe vendin e tij e merr Uenderson.

52′ GOOOL Laçi, shënon Nuabueze. I pandalshëm sulmuesi i kurbinasve i cili përsëri i shmanget me forcë tre mbrojtësve dhe lëshon një goditje të fortë nga jashtë zonës me topin që prek shtyllën e brendshme në të majtë të Sherrit duke përfunduar në rrjetë.

51’ Godfrei merr vendin e Bardullës në fushën e lojës në radhët e shkodranëve.

49’ Shumë më agresive Vllaznia në fillimin e pjesës së dytë në kërkim të barazimit.

46′ Asnjë ndryshim në radhët e dy skuadrave në rifillimin e pjesës së dytë.

45′ Mbyllet me avantazhin 1-0 të vendasve pjesa e parë. 

45’ Goditje dënimi ballore për Vllazninë rreth 30 metra larg portës. Lika gjuan duke nisur topin drejt trekëndëshit por Stazhilla është i vëmendshëm dhe pret në pozicion.

39′ GOOOL Laçi, shënon Nuabueze. Sulmuesi shmang ndërhyrjen e dy mbrojtësve dhe lëshon nga jashtë zonës një gjuajtje të pakapshme për Sherrin. 

32’ Dy harkime nga krahët radhazi të Vllaznisë, por Stazhilla është i vëmendshëm në zonën e tij dhe kontrollon lehtë lojën në ajër.

28’ Teko merr topin në krahun e djathtë, ecën derisa del në pozicion ballor dhe pastaj gjuan drejt portës, por sfera kalon mbi traversë.

27’ Vllaznia nuk arrin të shfrytëzojë një goditje dënimi nga e djathta e sulmit, harkimi i Likës kontrollohet nga Stazhilla.

21’ Edhe Shtubina përfundon mes të ndëshkuarve për një faull në sulm.

18’ Tentativa e parë e Vllaznisë drejt kuadratit është një gjuajtje brenda zonës nga Gurishta, por që përfundon jashtë.

14’ Ramadani është i ndëshkuari i parë i ndeshjes për një faull në mesfushë.

12’ Aksion i gjatë në krahun e djathtë për Laçin, topi përfundon te Teko i cili provon të majtën e tij, pa shumë sukses pasi sfera fluturon në fundore pa kërcënuar katërkëndorin shkodran

10’ Tension pas një përplasje mes Xhixhës dhe Likës, gjyqtari maltez e qetëson shpejt situatën duke u bërë të qartë të dy futbollistùvvëe se rrezikonin ndëshkimin.

7’ Nuabueze jep sinjalin e parë me një shpërthim në krahun e djathtë, gjen hapësirën mes dy kundërshtarësh dhe gjuan nga jashtë zonës por pa gjetur katërkëndorin e portës shkdorane.

1’ Kurbinasit e nisin menjëherë me vrull, një top i gjatë niset drejt zonës për Xhixhën në të majtë por Sherri del dhe kontrollon me qetësi.

1’ Fillon ndeshja në stadiumin e Laçit.

Reklama

Publicitet

kontakt : kurbinalbania@hotmail.com

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s

Këtë e pëlqejnë %d blogues: