Ndeshje spektakli në Kamëz, Xhixha i jep fitoren Laçit në minutën e fundit.

Mbyllet Kamza-Laçi me fitoren e kurbinasve, 1-2. Një ndeshje dramatike, ku Kamza arriti të barazonte 5 minuta para fundit, por Xhixha i ka dhënë fitoren skuadrës së Mezanit 1 minutë para fundit të kohës së rregullt. Rexhinaldo realizoi golin e parë në minutën e parë.

Kamza kompromenton pozitat e qëndrimit në elitë dhe duhet të fitojë patjetër në ndeshjen e fundit me Partizanin, ndërsa Laçi ka shanse të mëdha për vendin e katërt, pasi javën e fundit pret Teutën, që e ka siguruar qëndrimin në Superiore.

Minutë pas minute

Mbyllet ndeshja , 1-2

93′ – Largohet Uzuni, në fushë Kallaku.

89′ – GOOOL. E pabeseshme. Shënon sërish Laçi me Xhixhën. 1-2. Lojtari i sapo futur në lojë e çon topin në rrjetë, aps krisimit nga e majta të Lushkjas.

 

85′ – GOOOL. Barazon Kamza me ermir Rezin. lLjtari përfiton nga përgjumja e mbrojtjes kurbinase, futet në zonë dhe 1-1.

79′ – Mumajesi avancon nga e majta dhe kroson në zonë, devijon Fangaj dhe te Kamza kërkojnë penallti, por Hamiti vazhdon lojën.

76′ – Mehmeti kthen topin pas për Malajn, i cili gjuan me të majtën, por topi përplaset në fytyrën e Qaqit.

71′ – Dëmtohet edhe Frashëri te Kamza. Futet në fushë Mumajesi. Vështirësohet gjithçka për ekipin e trajnerit Ahmataj.

70′ – Karton i verdhë për Çukoviç, pas një faulli ndaj portierit Selmani.

68′ – Rexhinaldo gabon totalisht një pasim në zonën e Kamzës. Kupton gjithçka Arrabal dhe alrgon rrezikun.

67′ – Fukui nuk arrin ta vazhdojë lojën, pas një dëmtimi dhe vendin e tij e merr vlonjati taulant Kuqi.

64′ – Lushkja pason në të majtë për Uzunin, i cili shmang Frashërin dhe më pas nuk arrin të futet në zonë, pasi ndërhyn mbrojtja dhe ka goditje këndi për Laçin.

61′ – Goditje këndi për Kamzën, Fili kroson drejt zonës, por spastron mbrojtja e Laçit

59′ – Lëviz edhe Mezani nga stoli. Fut në fushë Lulajn, i cili merr vendin e Shtubinës.

55′ – Fili ka një mundësi të mirë në zonë, por nuk arrin të devijojë saktë drejt portës së Selmanit.

54′ – Ndërrimi i parë nga trajneri Ahmataj. Ermir Rezi futet në fushë, duke zënë vendin e Ymerajt. Shtohen forcat sulmuese.

50′ – Karton i verdhë për Zguron, rrezikon shumë pogradecari.

47′ – Zefi ndërhyn ndaj Uzunit dhe ka faull. Mesfushori i Kamzës ia hedh vetëm me një këshillim.

46′ – Nis pjesa e dytë, pa ndërrime.

45′ – Frashëri futet në zonë nga krahu i djathtë dhe tenton ta kthejë drejt qendrës, por largon mbrojtja e Laçit. Niset Shtubina në kundërsulm, por pa rezultat edhe ai.

44′ – Akordohet një minutë shtesë.

42′ – Dëmtohet Nika pas një ndërhyrjeje nga prapa, por më pas ngrihet dhe vazhdon lojën. Kërkohet karton për Filin nga kurbinasit.

39′ – Vazhdojnë përpjekjet e Kazmës për të barazuar. Malaj kroson në zonë nga e majta, del Selmani me shpejtësi dhe kontrollin topin.

30′ – Laçi i afrohet golit të dytë, por Uzuni nuk arrin të përfitojë. E përgjumur mbrojtja e Kamzës. Kurbinasit e administrojnë mirë lojën,

26′ – Kamza pretendon për një prekje me dorë të topit, por Jonuzi e merr topin me gjoks.

23′ – Frashëri ndërhyn ndaj Uzunit, beratasi mbetet i shtrirë në tokë. Loja është shumë e ashpër.

20′ – Kamza ushtron presion, por pa mundur ta godasë portën. Trajneri Ahmataj ngre tre lojtarë në nxemje.

17′ – Fangaj largon topin, pas një krosi të Fukuit në zonë.

15′ – Karton i verdhë për Regi Lushkjan, pas një ndërhyrjeje të gabuar ndaj Filit. Goditje dënimi për Kamzën në afërsi të zonës. Gjuan Zguro, por pa rrezik për Selmanin.

13′ – Lojë e ashpër. Shtubina ndërhyn ashpër ndaj Filit dhe kërkohet karton i verdhë për shkodranin nga kamzalinjtë, por Hamiti e fal.

8′ – Gjakra të ndezura në fushë. Nika dhe Zguro acarohen dhe gjyqtari Hamiti i këshillon për herë të fundit, pasi edhe më parë ka pasur shkëndija mes tyre.

5′ – Tenton braziliani Arrabal me një gjuajtje, por pa rezultat.

1′ – GOOOOL. Pa u mbushur ende një minutë, shënon Laçi me Rexhinaldon. Laçi në avantazh, 0-1. Sulmuesi gjuan me të djathtën në hyrje të zonës dhe topi, pasi përplaset në tokë, shkon në rrjetë, në të djathtë të portierit Avdyli.

1′ Nis ndeshja.  Laçi shkelmon topin e parë.

Kamza-Laçi 1-2

Kamza: Avdyli, Frashëri (Mumajesi 71′), Çukoviç, Arrabal, Zguro, Zefi, Malaj, Ymeraj (Rezi 54′), Mehmeti, Fukui (Kuqi 67′), Fili. Trajner: J.Ahmataj.

Laçi: Selmani, Fangaj, Qaqi, Gjoni, Sefgjini, Lushkja, Jonuzi, Shtubina (Lulaj 59′), Nika, Uzuni, Rexhinaldo. Trajner: G.Mezani.

Gjyqtarë: E.Hamiti

KV: Zguro 50′ , Çukoviç 70′ / Lushkja 15′