Laçi mrekullon, thyhet Skënderbeu

Mbyllet ndeshja në Laç mes vendasve dhe Skenderbeut dhe mund të themi që bardhezinjte kanë shkaktuar surprizen e javes në Superlige. Ndeshja ka perfunduar 1-0 në favor të kurbinasve që iu falen nje goli mjat te bukur te Uzunit në minuten e 47-te të ndeshjes. Ndeshja u karakterizua nga një ritem i larte ku rastet nuk munguan per të dy ekipet por duke hasur ne pritjet e Shehit dhe Selmanit.

Me kete fitore Laçi tregoi edhe njeherë se është një nga ekipet me në formë te këtij kampionati ndërsa për bardhekuqtë kjo është humbja e parë për këtë sezon.

Një ndeshje që  u luajt pa pranine e tifozerisë për shkak te pezullimit nga disiplina por goli i Uzunit vendosi fatet e ndeshjes, që ishte mjaft e ekuilibruar. Skënderbeu ishte superior në pjesën e parë, duke luajtur me mire, por mungoi forca goditëse dhe Laçi përfitoi, duke shënuar sapo nisi pjesa e dytë.

Me pas, shumë lojë e pak raste nga Skënderbeu, ndërsa Laçi u mbrojt fort dhe nuk rrezikoi shumë. Fitore e merituar, kampionati zbukurohet nga Laçi.

Kategoria Superiore – Java 14

E diel, më 10 dhjetor, ora 13:00

Laçi – Skënderbeu      1-0

Shënues: Uzuni 46′

Laçi: Selmani, Fangaj, Qaqi, Gjoni, Sefgjini, Xhixha, Jonuzi, Lushkja, Uzuni, Kallaku, Rexhinaldo. Trajner: Gentian Mezani

Skënderbeu: Shehi, Taku, Jashanica, Aliti, Mici, Muzaka, Nimaga, Lilaj, Gavazaj, Sahiti, Xhejms. Trajner: Ilir Daja

Gjyqtarë: Klajdi Kola, Denis Rexha, Alfred Shkreta, Ermal Barushi

Delegat: Besnik Çela; Vëzhgues: Pajtim Aliko