Advertisements
Telegrafikisht

Trahanaja, një nga ushqimet më të hershme

Trahanaja është një nga ushqimet më të hershme e që është përdorur pothuajse nga i gjithë Mesdheu lindor. Përdorimi i trahanasë daton që nga trakët, ilirët, romakët, grekët, maqedonasit dhe më vonë është përdorur edhe nga turqit. Ajo është një pjatë tradicionale edhe në kuzhinën shqiptare me bazë brumin, për të cilën duhet punuar që në verë për të ngrënë një pjatë të tillë në dimër. Përgjithësisht përgatitej nëpër fshatrat malore gjatë verës për t’u konsumuar në dimër kur bën ftohtë. Trahanaja së bashku me groshën mishin e thatë qepët, hudhrat e specat djegëse të varura në tavan, turshinë dhe rakinë, ishin “shpirti” banorit shqiptar të maleve për të kaluar dimrin në fshat.24899020_1876900242337720_1238052663_n

Përgatitja e trahanasë. Trahana me qumësht e gjalpë. Per 1 kg miell duhen: 2 gota qumësht, 2 lugë gjelle gjalpë, 1 lugë gjelle kripë. Për trahana duhet mielli i cilësisë së mirë me përmbajtje të lartë gluteni. Sitet mielli, hapet një grope në mes dhe hidhet gjalpë i shkrirë, vezë, qumësht, ose edhe kos e shëllirë djathi dhe kripë, e nëse ka nevojë edhe pak ujë. Duke filluar nga mesi e perziejmë brumin duke mos e gatuar shumë por të perzihet aq sa të mos e pijë krejt miellin, brumë i fortë dhe i shkrifët. Sipër e spërkasim me miell, e mbulojmë dhe e lëmë të vije për 2-3 ditë. Pastaj e hapim copa -copa në një çarçf të pastër, e lëmë të thahet në diell dhe më pas e shkritojmë me dorë deri sa brumi kthehet i ngjashmë me kokrra të vogla orizi, e kalojmë në sitë të rrallë e thajmë në diell përsëri dhe e vendosim në qeska/napa prej pëlhure (beze), ose edhe letre ku ka ajrim të bollshëm për t’u ruajtur nga prishja gjatë konservimit për konsumim, por jo kurrsesi plastmas. Ruhet në vende të thata të freskëta dhe pa lagështirë.

Gatimi i trahanasë. Në tenxhere shkrijmë gjalpin, hedhim trahananë (dy lugë gjelle për person) dhe e skuqim lehtë. Mund t’i shtohen gjatë kafërdisjes edhe qepë e pak mish i thatë që duke i përzier dhe skuqur të gjitha bashkë derisa marrin ngjyrë të verdhë si të kuqerremtë. I hedhim ujin e nxehtë dhe e përziejmë masën derisa të marrë valë, që të mos bëhet kokrra, derisa krijohet një lëng i trashë të cilit i shtojmë koret e bukës së zezë, dhe sipas dëshirës djathë i bardhë i thërmuar, vaj ulliri, djathë kaçkavall ose shëllirë dhe e lëmë të ziej për 10 minuta në mënyrë që buka të pijë lëngun dhe pastaj shërbehet e ngrohtë nëpër pjata. Shoqërohet me raki ose verë të kuqe.

Advertisements

Publicitet

kontakt : kurbinalbania@hotmail.com

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google+

Po komentoni duke përdorur llogarinë tuaj Google+. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s

Këtë e pëlqejnë %d blogues: